I dashuri Pal,
Asgjë s na shkrove më
Asgjë
Formulën e mësuam përmendsh
E nisëm disi ta harrojmë
E Gjergji më nuk u duk
Në ndonjë këngë, pikturë a këngë
Shihet rrallë, tek-tuk
Të dëftoj se këndej po shohim ëndrra të rënda
Mbrëmë pashë ëndërr
Në kullën e Drishtit si dikur
Gjithë kuajt kishin pas vdekur
Pas fluturimeve nëpër livadhe
Që për fije bari kishin ngrënë
Nga një kufomë
Shkumonin pikëllim
Shkumonin zjarr
Në kalanë e Drishtit
I pash o Pal
Si pëlcisnin sytë e Arbërisë e unë
Vërbohesha
Tregoji, të lutem, Gjergjit
Se shumohej një kalë pa spermë e pa vezore
Një kalë i tëri i drunjtë
Pa hingellimë
Tregoji Gjergjit se që 550 vjet i shkruajmë letra
E thuaja edhe këtë
Se çdo ditë pjekim bukën për të
E vetëm hingëllimë e kalit të tij
Po dëgjohet
I dashuri Pal, mbetsh me shëndet
Dhe Gjergjit thuaja të tërat, le t'i dëgjojë
Me veshët e vet!
By Dije Demiri Frangu